तरुणांबरोबर थोडे हितगुज

1)        जास्तीत-जास्त पुस्तकांचे वाचन करा.

जगात कर्तृत्व गाजवलेल्या व्यक्तींकडून प्रेरणा घ्या,

त्यांच्या यशामुळे स्वतः भरकटून जाऊ नका.

2)        स्वतःची तुलना इतरांबरोबर कधीच करू नका.

तशी केलेली तुलना तुम्हाला कधीच पुढे नेऊ शकत नाही.

त्यापेक्षा स्वतःची तुलना स्वतःशीच करा.

त्यामुळे प्रत्येक नवीन दिवसात एक नवीन बाब

किंवा गोष्ट तुमच्या ज्ञानात आणि कौशल्यात भरच टाकेल.

3)        जगात नावाजलेल्या व्यक्तींचे आत्मचरित्र वाचा.

त्यांची कौटुंबिक, आर्थिक, सामाजिक, राजकीय आणि वैचारिक

परिस्थिती समजावून घ्या. कारण प्रत्येकाला वरील बाबी समान कधीच लाभत नाही.

4)        कोणतेही नवीन कार्य करण्याअगोदर आपल्यापेक्षा मोठ्या

व्यक्तींबरोबर त्याविषयी बोला. इतरांचे त्याबाबतचे मत विचारात घ्या.

त्यानंतरच तुमचे मन/बुद्धी जे ठरवेल त्याप्रमाणेच पुढच्या कार्याला सुरवात करा.

5) अन्य जाती-धर्मांवर टिका करत वेळ वाया घालवू नका.
     जे चांगलं असेल त्या गोष्टी आत्मसात करा.

6) दंगली- मारामारी करुण आपलं नाव खराब करुण घेऊ नका.
     आता लढाईचा काळ राहिलेला नाही.

7) उच्च शिक्षण तुम्हाला आणि
    तुमच्या पुढच्या पिढीला चांगलंजीवन देऊ शकतं.

8) राजकीय पक्षांचे झेंडे उचलून
    गुलामी करू नका.

9) आजचा तरुण एकमेकांना मदत करुण प्रगती करू शकतो.
    त्यासाठी राजकीय पक्षाची  वा नेत्याची गरज नाही.

10) मंदिरात दान करण्याऐवजी
    गरीब आणि गरजू तरुणांना
    मदत करा. ते तुम्हालाही कधीतरी मदत करतीलच.

11) चार दिवस सुट्टी काढून देवस्थळी
     फिरण्याऐवजी तेव्हडाच् वेळ समाजाच्या प्रगतीसाठी द्या
    समाजही तुम्हाला कधीतरी मदत नक्कीच करेल.

12) इंग्लिश बोलायला शिका.
     हा मराठीचा अपमान नाही  काळाची गरज  आहे.